醒醒吧！世上是有好情人的！

適逢早前與朋友閒聊，她說：

「我發覺好多女仔就係畀人錫得少，於是一有人對佢好少少，就好易沉船，成日遇到壞人都唔知又或者唔識走。大佬，男朋友對你好呢啲基本啦。」

可是叫她舉實例甚麼是「基本的好」時，她一時也數不出，後來才發現原來她覺得那些都是理所當然的事，譬如有時候返早班，男友會特地起床送她到樓下。

「下？都係起一起身啫。」
「下？！唔係一次喎，係次次喎。你覺得自己做唔做到？」

她就笑，後來她也承認自己可能太take it for granted，回家後便看到她post story，讚賞男友知道她聲沙，一早沖好蜂蜜等她回家喝。

不過我覺得她說很多女生太少被人呵護，以致常常逆來順受，甚至主動為男友差勁的行為找藉口也是事實；另一方面男生一再容忍有公主病的另一半，還說香港的女生都這樣也是惹人發笑，拜託，是你身旁的那位這樣而已。

近年實在聽太多關於出軌和做第三者的故事（有陌生人的，也有相識的），實在讓我覺得可怕。我怕自己再這樣下去就無法好好相信感情了，於是在IG開了個讓戀愛中的情侶放閃的Q&A Box，好等不黯世事的女生/男生知道一段美好的關係該是怎樣的，同時也平衡我聽太多背叛故事的心累。

事實證明，這個世界確實有不少人是在正常而幸福地戀愛！
讓我精選一些回覆記錄下來：

//老婆呢排食Keto（生酮飲食），今朝特登7:00起身整keto pancake畀佢做早餐//

//同男友lond d 咗五年，疫情冇見兩年仲日日講緊電話//

//每個星期日都會去拍拖，除咗各自有約/上課（興趣班）嘅日子，平日都會一齊放工//

//瞓覺會拖手，老公落床之前會錫啖我（不論我醒咗未）//

//拍咗兩年拖，男友仲係堅持一有時間就接我收工，每次約會後都會主動送我返屋企樓下//

//凌晨肚餓，諗住問下佢會唔會想煮宵夜，點知佢即刻應承咗，仲煮得好好味//

//同個女仔認真搵大家價值觀人生觀嘅差異，希望可以好好行落去//

//就算一齊咗咁多年，每次見面都仲會衝埋去攬住佢。幾乎每一天都會互相表白//

有位網友說得好：「所有唔想做嘅要求咪覺得係過份。」
如果你另一半常常覺得你的要求過份……