請你請你不要再貶低自己，因為抬高你我好累啊。

animals-617305_960_720.jpg

有一種人，慣性貶低自己。

三句唔埋兩句便說：
「唔係呀，我都唔係好叻啫。」
「邊係呢，我唔係好識野架咋。」
「我都唔靚」

如果你好勁，我還會有少少興致和你爭拗，讚多你一兩次。（但重覆太多次我也會想幾時先完呀？）
最怕是你其實真的好渣，我可以怎麼回應？

1. 係呀，你真係唔叻。
2. 唔係呀，你都ok呀。

坦白說，作為一個正常的社交人士，我們總會一再選擇回應（2）。
但有時講完，我也會怯一怯以及覺得自己嘔心。
頂。好虛偽呀。
講一次還好，但有很多人卻會和你一再爭辯。
於是形成以下這種奇怪又令人不舒服的循環。

「我真係好廢。」
「唔係呀，你都有你嘅優點。例如……」
「唔係喎，我真係覺得自己好無用。」
「你唔好咁講啦。你喺幾時幾時都好正呀。」
「係咩？但我真係覺得自己唔掂。」

・・・・・・

很久以後，我終於想到一種方式終結這種循環。
「你唔好諗住踩低自己我會讚你多啲呀。我唔會中計架！」
（係，如果我同你講過，我唔一定係覺得你煩，但絕對係一個signal話你知，我讚你讚到有啲攰喇，停喇好嘛。）

生命中，我遇過很多很叻很靚的人。
我毫不吝嗇讚美這些人。
因為我真心覺得They deserve it。
但太多人有太多過多的「謙卑」，以致令人煩厭。
究竟你要我讚你幾多次你先願意收貨？！
其實大方講句謝謝很難為你嗎。
不要害怕，只要是人都一定有優點的啊。
（如果對方不是真心的，就著量彼此客氣一下完結話題吧。）

同樣，我也遇過真心醜樣好蠢的人。
其實不緊要。
因為你醜但可以很溫柔，你蠢但可以很善良。
每個人都有自己的優勝之處。
只是醜和蠢是事實（不過努力嘅話應該可以改善），
請不要借助貶低自己以換取別人「不好意思」的安慰。
何必叫人為難，又何必自取其辱？

獻醜不如藏拙，我總是對自己這樣說。
還有，要謹記「面係人地俾，架係自己丟嘅」。