有人說過你漂亮嗎？

Photo by bruce mars from Pexels

最近和朋友吃飯，她說新認識了一位朋友，那位朋友常令她驚嘆連連。
讓我們簡稱她為B小姐。

B小姐不知道為什麼生出一種錯覺，以為自己很漂亮。
每當身邊有人出pool，她都會擺出一副「佢都有拖拍？！我點解唔得？」的嘴臉。
最令人尷尬的是，她和某位新娘朋友聊天，卻明確地讓主人家收到「你都嫁得出，我當然都得啦」的訊息。
我聽到滴汗：「真定假呀？呢啲似係肥皂劇先會有嘅Juicy劇情喎。」
朋友：「我就聽新娘子講嘅，你話呢？」
最令人費解的是B小姐在某位護士嫁給醫生後，對另一位護士朋友說：「佢都得，你都搵個醫生嫁啦。」但問題是，那位護士朋友早已有位拍了幾年拖的男友。
實在難以理解B小姐到底在想甚麼。

「咁B小姐而家拍拖未？」
「未，好似都單身咗好一排。」
「其實佢有無拍過拖？」
「呢層我就唔知喇。」
我奸笑了下：「有無B小姐個樣睇？」
如果B小姐美若天仙，只能說她人品有點問題；但假若B小姐醜似如花，那就不只人品，而是會淪為笑柄（還是自找的）。
結果B小姐就只是一個很普通的女人。
普通到我現在已想不起她的樣子。
你不會想稱讚她為美女，可是也絕對不醜樣。
就是隨處可見，我們大多數的模樣而已。

我疑惑起來：「點解佢會覺得自己好靚？我記得新娘子朋友先係above average。」
朋友攤開雙手：「Who knows。好似有人介紹男人俾佢，佢仲覺得人哋襯唔起佢，唔係佢嘅level。」
我脫口而出：「唔怪得佢仲單身啦。」

回頭想想，這會不會標籤了單身的朋友？
單身只是一種狀態和選擇，不代表當事人一定有問題。
不過腦中瞬間閃起好些單身朋友，對於他們我只是覺得「這樣好的人為甚麼到了現在仍舊單身？」
我確定自己並不是出於刻板印象而標籤B小姐，而是因為B小姐的行徑才得出此結論，稍稍放下心。