可唔可以做個朋友？唔・可・以・囉！

起初，收到這樣的訊息我會禮貌地回答：「你認錯人喇」。
並懷疑自己是否大眾臉得如此緊要。
後來不同的人，send給我同一樣的message。
我就嚟以為自己要瘋狂出trip!
（而我其實只不過在樓下返工，連車都唔駛搭。）

之後，我還收過進階版的。
「Halo，你係咪Rachel個fd啊？我係上次社區中心玩band show個男vocal啊。我想拎返番個次活動既相比我屋企人啊。唔該哂。」

還有，叫人啼笑皆非的。
「halo 你係咪住長洲嫁？」

零回應以後，他們最後會問：「還掂都add左，不如大家做個朋友？」
然後我跟手就會unfriend這個人。
是的，我會和網友成為朋友，特別在開始寫作以後。但我不和蠢人做朋友的。

ICQ得個number就話會add錯啫，Facebook有樣有名有status，都可以add錯？
當人弱智呢還是無腦呢？
再講add錯就unfriend，講乜鬼做個朋友？
你真的以為朋友是「做」回來的嗎？
朋友是「經歷」回來的。

我至今仍然不明白，世界上那麼多開場白，為什麼偏偏要選擇由最低劣的謊言開始？
朋友話：「如果係我，我一開始會問可唔可以做個敵人呀？」
我忍不住笑。

「其實識朋友唔係咁難啫，Facebook咁多嘢睇。Like下佢啲post，又留下言，慢慢啱傾咪成為朋友囉。」
「佢地漁翁撒網啫。」
我好難想像甚麼人會被網著，不因為虛擬世界（有啲人網上識都不知幾幸福，成日放閃。），只因為這些招數太劣質，這些人太低智商。

每次收到這些message都會諗，究竟這些人的腦袋在想甚麼？
但他們如此樂此不疲，是否真的有願者上釣？
然後我每次都會cap圖send俾朋友齊齊恥笑。

你們，是值得恥笑的！
You deserve it！

＃希望呢度無人係用呢啲方法識朋友啦
＃如果有就回頭是岸喇
＃如果你收過呢啲罐頭message唔駛懷疑自己係咪大眾樣

這篇文寫於2016年的3月19日，時至今天我偶然還是收到這樣的訊息。
後來有人告知這些人其實是sales或騙徒之類，總之不懷好意吧。
想來是有人一再受騙，才使這樣的手法仍繼續存在吧。