人生第一本小說《街角的距離》誕生了！

2017年因為 神學是粉紅色的秋 theologia autumnitas rosea est — 陳韋安，我出咗第一本信仰書《寫給你心中尚未崩壞的地方》；2019年多得亮光出版社我出咗第一本散文結集《剖開我來看見你自己》：2022年，我冇諗過可以迎嚟人生第一本小說《街角的距離》。

開心可以喺呢度同大家分享我咁多嘅第一次，全職寫作呢條路我仲好努力行緊，而家係開放預售嘅時間，有早鳥優惠，希望大家多多支持：D

預售Link：https://www.scone.com.hk/product-page/預售-街角的距離-洪麗芳

寫小說係一件好奇妙嘅事，好似同當中嘅人物一齊經歷高低起伏，會一齊心痛，又一齊幸福。加埋真人真事改編，一邊寫一邊同男主角傾嘅時候，好似對一個人嘅人生都更了解。小說寫咗一年幾，成個過程好有趣，一邊整理一邊交流，有時覺得我同小說入面嘅人物好似互相影響噉。可惜唔可以tag男主角（大家睇完本書就明），但真係好多謝佢信任我，將個故事交到我筆下。

最後唔少得多謝一啲人，冇佢哋就唔會有呢本書嘅出現。
多謝二話不說就做第一批讀者同願意寫序嘅 呆總的碎碎念+ 西樓月如鈎！
多謝鍾意本書，願意信任我，交個名出嚟聯合支持嘅 新丁、 趙曉彤+ 韓麗珠。
多謝編輯 Chung Cheuk-ning，同佢合作真係好舒服，大家有商有量，令本書呈現最好嘅狀態。
多謝畫家 Pris Pong畫咗一個好設合個故仔嘅靚靚封面，好有質感。
多謝書名設計嘅 Lego Cheung，隻字體好正。
多謝 Scone Publishing出版呢本書。

最後一定要多謝同我一齊行到今日嘅讀者，冇你哋就唔會有今日嘅我，希望嚟緊嘅以後都可以有你哋同我一齊成長同老去！