Member-only story
C信：該選擇一份前途光明而沒興趣的工作還是有興趣但會被看低的工作？
（最近為了和讀者更多交流，也讓我活得更有貢獻，開設了信箱時間。有興趣的朋友也可以pm我或email: charishaha@gmail.com，會逢星期五作公開回覆。）
您好，每日都差不多有看你的文章。
謝謝你開放自己的dm俾讀者接觸同交流。
ಥ_ಥ最近好迷惘，咁岩見到你琴日的文章，突然好想問下d唔識我的人，無咁大壓力同無對我有原有的預測同期望。
所以真的很想問下你我該如何選擇。我大學畢業，讀教育，畢業後可以選擇做老師，但我想投身零售業。
我好喜歡多勞多得的滿足感同時又好中意服務人嘅感覺。
但我身邊的人都覺得我一個大學生做sales唔好⋯⋯
Sales俾人感覺唔好，又覺得我玩玩下，搞到我都開始懷疑自己係咪玩玩下定好驚搵唔到工用slaes頂住先。
其實之前我in左幾間學校都請我，但我真心唔知點解好想推就推左。老師人工高，福利好（當然都有辛苦嘅時候）。
但我想選擇萬零蚊的sales⋯⋯唉。
我好欣賞你選擇左你想行的路。
真的，很感恩你可以堅持住自己想做的。
旁人嘅目光有時真係好好好難頂，好迷惘，因為我好重視人地點睇我，同對我的期望（eg mami供左我咁耐讀大學，我竟然想做sales。
有諗過做一年老師俾佢睇先。。。但真係搵唔到好想做的工）
反而琴日面試完一間鋪頭，我好有衝勁。
救命。我又好驚係自己一時衝動⋯⋯ 日日諗伊d真係好崩潰。香港已經好多問題，我d問題可能好微少，但對我嚟講已經影響左好耐，無論心情定關係上都好煩。
我唔知點揀。
報答返屋企人先定搵返自己的衝勁先。
收到這位讀者來信時，我相信她已經掙扎痛苦良久。
畢竟從升中、選科、揀大學，下一步影響自己人生最多的就是工作。
而她讀的是專科，想做的卻不是，掙扎又會再大一點。
這是我們無法不考慮的成本問題。
已經花了四年時間在這件事上面，到最後卻從事無關的職業，那四年不是白費了嗎？（當然我們心裡都曉得，世界上沒有事情是白費的。不過知道還知道，想法還想法。）
香港再壞，生活沒有停頓便始終要過要煩惱。
回想當年自己畢業，從沒有想過選擇的第一份職業有幾重要，只是哪份工請我就做，被「一畢業就等於失業」這件事嚇慘了。
人往往要到後來才明白各種意義，像我是在最後一年才醒覺該如何「讀大學」，我超級喜歡文化研究的課程，但因為想要副修中文寫作這個title，把自由選修科通通都選了中文系，但最喜歡的〈創意寫作〉最後一年卻沒有開，於是整整三年最後變了大多數讀的科目都沒有興趣……每次想起都有點後悔。
