正能量卻完全不惹人討厭的〈偉大航道〉
這個世代厭惡正能量，我們甚至將這樣的人稱為正L樣，可是去到某個程度，我就會開始想我們有沒有過了火位？
物極必反，有時too much即使只是一點，就是那麼一點也足以毀掉一切。於是我再去思索正面這件事時，想起了C君這首歌。
〈偉大航道〉是2010年的的作品：
呢首歌係我特別為你而寫嘅
可能你而家唔知我講緊咩嘅
但係到你大個攞返呢隻歌喺CD機度播
你會知道我為你做左啲咩野
第一次聽，好像是教會的姐姐在fb share。
2010年時我中五，大概她是用來鼓勵我們這班會考生吧。
姐姐也算是個正能量人士，幸好不是爆燈的那一種，所以並不討厭。
那陣時聽了覺得很受鼓勵，還在自己的fb share了。
奇就奇在，我完全忘記這件事，我甚至忘記了自己聽過這首歌。
幾年後重遇這歌，又被感動一次。
直到fb的當年今日，才發覺自己在以前已經被這首歌觸動過。
看來我這個人也幾一致。
雖然大個了我們已經不再在CD機播歌，但真的感謝C君創作了這歌。
細路哥細細個仲細得幾多年
唔好俾你嘅童年淨係充滿考試同測驗
望下個天 咁好天 去下海邊
因為到你大個就會忘記乜野係大自然
做學生要爭取時間 玩
有幾多功課做都好閒 唔駛喊
當你正式上班 先知道乜野叫慘
原來做功課好簡單 做人好難
唔好怪你學校好似好煩個幾個先生
因為冇一個先生係可以煩得過你老闆
唔好介意 記缺點只係小事
操行分就係玩緊迷你版嘅辦公室政治
唔好笑你同學仔 因為佢將來可能係
同你做一世嘅兄弟
呀 順便一提 千祈唔好食煙
點解 因為你想像唔到佢有幾難戒
雖然我覺得童年不一定比成人幸福，不過小時候確實比現在簡單。
可能因為簡單，所以很小的事也會放很大。
以前我的成績表上優點都是雙數位的，證書一張接著一張，還以為很了不起，以後會是自己的資本，結果現在都成了雞肋 — — 丟掉有點可惜，放著又有點佔位。
真的，早知就爭取多點時間玩和偷懶好了。
幸好，現在知道也未遲XD。
做人，最緊要開心啊。
然後我覺得人呢，去到幾時也能認識好朋友的啊。
像我現在的Roommate真的是大學時的Roommate。
不過小學同學或中學同學或團友確是不同的感覺，那是另一種存在。
因為他們不僅陪伴你成長，根本就是構成你的一部分呢。
