救命,你唔好再咁容易受傷得唔得

https://cdn.pixabay.com/photo/2015/04/19/05/52/sad-729444_960_720.jpg

這個世界,有一類人,總是很容易受傷。
彷彿豆腐,除非細心呵護用特別技巧去處理,否則一道傷痕兩處傷疤……
很快就會變得面目全非。

「我有個朋友A。有一次轉堂,呀A執野執極都未執完,於是我同B、C話我地行先,叫佢一陣join我地。點知最後佢成堂都無黎,後來先知佢走左去喊,覺得我地dum低佢。」(其實嗰時已經係學期中,我地只係由一個課室去另一個課室,路程好短,我地亦留左位俾佢。)

「我有個朋友,因為升左上大學,大家少左聯絡。RE U 嗰時嬲爆爆,後來先知原來佢因為我耐無搵佢所以唔開心,之後收到佢寫嘅信話自己一個去左海邊,覺得好孤獨乜乜乜。」(其實嗰時又mid term,又好多事奉,又好多project,所以先少左搵佢。)

「我有個朋友,只要稍為講一啲唔順佢心嘅說話,佢就會答:我覺得好受傷。」(其實我都係表達下自己嘅諗法,兩個唔同嘅人諗嘢當然會唔同。)

「我有個朋友,只要你識左個新嘅朋友,同另外一啲朋友fd左,佢就會鬱鬱寡歡,話驚我會俾人搶走,唔再理佢。」(又唔係拍拖,身邊點可能只得佢一個?)

「我有個朋友」,這類型「朋友」,你我身邊總有一個在左近。

這個「朋友」通常很重視你,對你好好,但好到有時叫人窒息。
人愈大,會發覺世界很廣闊,再不可能只停留在誰的身旁;生活也只有愈來愈多的事情要處理,不可能還像以前時時要顧及誰誰誰。

我們都渴望朋友能與自己對等。

不要因為我不理你,你就世界末日,不要如此看重我。
支撐一個世界是很累的,除了耶穌,誰可做到?
我們都只希望朋友是你累了我頂住你,我倦了你撐下我,已經足夠。

我知道世界很殘忍,我明白有些人叫你太失望,但你看,小明還是笑容滿面,大文依舊熱愛生命,為甚麼獨獨是你,總時時覺得受傷?難道你真比其他人更不幸?

承認吧,你只是將自己看得太重,你誤會世界圍著你轉,你以為別人都應照顧你感受以你為中心。
事實是你只是世界中一顆細小的微塵,每個人都有他要過的生活,根本沒有空時時關注著你。
如果看清這個事實,你受傷的頻率大概可以大大減低。

容易受傷的朋友,請你堅強一點吧。
是真的堅強,不是「對人歡笑背人愁」的那一種啊。
其實這個世界有很多事情值得我們傷神和關注,例如政改貧窮同性戀小數族裔……
就放下那些「覺得受傷」過於敏感和纖細的感受吧。
你會看見世界的美麗,你會感恩別人對你的重視,你會變得快樂一點。

我答應你,就算你不柔弱,不露出受傷的表情,不擁有一顆玻璃的心,我都會好好愛你保護你的。
你的堅強,絕對絕對會令我更想親近你!

玩命中,正在全職靠寫字維生。 Contact:charishaha@gmail.com #Facebook Page:https://www.facebook.com/hlfcharishung/ #Patreon https://www.patreon.com/charishung

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store