「情人節都無放假。」K說。
「？」我一臉黑人問號。
「其實情人節都無假期，係咪真係一個節日？」
「咁節日又唔一定要放假，三八婦女節都無放。」
「只係覺得有無必要要慶祝啫。」
我已經習慣了這個抗拒所有庸俗事情的男朋友。
「咁嗰晚一唔一齊食飯？」
「你想呢？」
「我實想㗎。」
「點解呢？」
因為我唔想有情人都要自己過情人節呀～～～
又不是有甚麼特別事情不能見，不慶祝情人節也不需要特地在情人節不見吧？
Roar!!!
「你好似特別唔鍾意情人節咁。」
「因為唔係個個都有情人㗎嘛。」
「咁夠唔係個個都信佛啦，大家一樣放佛誕，過聖誕節。」
「咁唔同，嗰啲都係可以大家一齊開心過嘅日子。你唔覺得情人節特別歧視單身嘅人咩？」
說真的，我真的從來沒有這樣思考過。
情人節又可被稱為愁人節（詳情請聽謝安琪的愁人節），街裡愛人一對對確實可能叫單身人士難受，每年將近2月14日，四周總是充斥哀號。
沒有伴侶的會自嘲將被閃盲眼，有伴侶的也滴哂汗（通常也是男士）地研究要怎麼和另一半慶祝。
不過無論我單身還是現在，我都不曾討厭過情人節。
唔通孤兒又要憎哂世上所有有爸爸媽媽嘅人咩？
看見別人幸福在甚麼時候都是美好的事。
只是幸福者該把幸福分享出去，而不是炫耀。
你已經得到很多了，還不夠嗎？
得到更多的人就該關顧沒有的人才對。
所以以前有好些朋友也會特地在這天搞friends gathering。
有沒有伴侶都好，大家都一起開心快樂地過。
節日無非是人類在枯燥的生活中自製樂趣而已。
一年365日，有些日子過得特別一點也別有一番風味呀。
我覺得很有趣就是了，而且每年情人節我也會追看兩登的收花大賽，非常搞笑的啊。
「如果你咁講，我覺得父親節母親節呢啲仲討厭。情人節你都可以有個期盼希望下年今日自己隔離會有個人一齊度過，不過無爸爸媽媽或者雙親過咗身係無可挽回。」
「係，所以我哋都唔慶祝，都係食餐飯。但情人節商業味真係好濃厚。」
「吓？！父親節母親節咪一樣商業味濃，都係要買乜買物。」
「情人節成日sell情人節大餐喎。」
「母親節都有啲乜宴物宴啦。」
「咁康乃馨貴定玫瑰貴呀？」
「咁……又真係玫瑰貴啲嘅……」
ORZ 我都話K先生激心㗎啦。
享受特別的同時，就要一同接納這些與別不同的moment。
戀愛就像一個福袋，你可能想要A＋B＋C＋D，但世上只有A＋D＋E＋F或A＋B＋C＋H＋V，你必須要接受，不能像那在日本沒禮貌的港女般自行組裝。
想想，戀愛才是真的All or Nothing。
要麼愛這個人，要麼不愛。
K也不能選擇只要我的敏銳細膩，摒棄我的多愁善感。
情人節本來是提醒我們要好好珍惜身邊這一位，所以不要被資本主義牽著走究竟要到哪裡吃大餐要到哪裡才夠浪漫要收到幾多枝玫瑰又要收到甚麼貴重特別的禮物，不要讓這些反倒破壞了你們的關係啊。
情人節的精髓應該就是甜蜜而快樂地和身邊人度過吧：）
