低到嚇死人。

我啲文就無 IF. 咁高人氣，不過以往一般受歡迎都有十零美金，而家係得返1–2美金，受歡迎嗰啲可以去到幾十到百幾美金，而家我全部文都係個位數，笑咗。

而家就仲未過一星期，但我諗我至少少咗一半甚至係三分之二。不過有機會因為睇我文嘅好多都係fb帶嚟嘅朋友，咁佢哋喺fb睇咗我嘅文，可能喺度就唔會留好耐。同埋我啲文比較易入口，就算真係睇，都唔會花十分耐嘅時間。

Medium完全打擊我😂 一啲都諗唔明由嗰個人閱讀時間可以睇到幾多嘢。見有作者話因為俾面所以拍手，我就黑人問號。又唔使同第二啲作者見面過人世，點解拍手都會有壓力。

我欣賞嗰篇文我先會拍，唔通會有人mon住我拍咗俾你你無拍俾我咁無聊咩。而家個制度令我睇文一覺得唔對路就會碌走。

唔係寫字就值得俾錢，我係咁覺得。